Os Serans do TAC. "Maridaxes de música e gastronomía."

O Taller Atlántico Contemporáneo propón achegar a música clásica contemporánea e unha foliada, recreando os elementos básicos da festa dos seráns, nos seus Seráns na Cidade da Cultura. O ciclo está integrado por cinco concertos e unha actividade de corte didáctico nos que participarán músicos galegos, solistas convidados e directores de fama internacional.
Cada concerto será presentado, asemade, por Carlos Blanco, Quico Cadaval e Julián Hernández (Siniestro Total). Ademais, convidarase a tres cociñeiros, representantes da nova cociña galega, a que ideen para cada concerto unha tapa que será servida ao final do acto, inspirada nalgún dos elementos do programa musical.Entre estes tres cociñeiros ademais de Pepe Solla e o restaurante Eirado da Leña de Pontevedra estaremos Nós ABASTOS 2.0 nesta maridaxe, os días:

28 de xuño, onde os músicos do TAC tocarán xunto coa formación Odaiko as composicións 'Marimba Spiritual', de Minoru Miki; 'Obra para frauta e percusión', de Xavier Mariño; 'Trío per un', de Nobojsa Jovan Zivkovic; e 'Fads and fancies in the academy', de John Cage. A sesión, presentada por Quico Cadaval, rematará cunha tapa do restaurante Abastos 2.0 de Santiago.
E de novo o seis de setembro, no que será a quenda da sesión 'Carta Branca a Diego Masson', para a cal o TAC estará dirixido por Diego Masson e interpretará obras de Dallapiccola ou Francesconi, así como a peza 'Monitonadas', do galego Carlos López García-Picos. A sesión contará tamén cunha tapa do Abastos 2.0 e estará presentada por Carlos Blanco.

Varios links da Nova: